سخت ترین پابندیوں کا اعلان: مسجد الحرام کے اندر، باہر یا طواف کے دوران ویڈیو بنانے پر حج ویزا کینسل کر دیا جائے گا، حجاج کرام کے لیے ہنگامی الرٹ جاری
مکہ مکرمہ (ویب ڈیسک): سعودی حکومت نے حج 2026 کے لیے سیکیورٹی اور نظم و ضبط کو برقرار رکھنے کے لیے انتہائی سخت اقدامات کا اعلان کیا ہے۔ رواں سال حجاج کرام کے لیے جاری کی گئی نئی گائیڈ لائنز کے مطابق، حرمین شریفین کے تقدس کو پامال کرنے اور عبادات میں خلل ڈالنے والے عناصر کے خلاف زیرو ٹالرنس پالیسی اپنائی جائے گی۔
فوٹو گرافی اور ویڈیو گرافی پر مکمل پابندی
سعودی وزارتِ حج و عمرہ کی جانب سے جاری کردہ حالیہ اپڈیٹ کے مطابق، اب مسجد الحرام کے اندر، صحن میں یا دورانِ طواف کسی بھی قسم کی فوٹو گرافی، سیلفی یا ویڈیو بنانا سخت ممنوع قرار دے دیا گیا ہے۔
خلاف ورزی کرنے والوں کے لیے سزائیں:
بھاری جرمانہ: قانون کی خلاف ورزی کرنے والے مرد یا خاتون حاجی کو موقع پر گرفتار کر کے 10,000 (دس ہزار) سعودی ریال جرمانہ کیا جائے گا۔
ویزا کی منسوخی: جرمانے کے ساتھ ساتھ متعلقہ فرد کا حج ویزا فوری طور پر کینسل کر دیا جائے گا۔
ڈیپورٹیشن: ویزا منسوخی کے بعد حاجی کو فوری طور پر اس کے ملک ڈیپورٹ کر دیا جائے گا اور مستقبل میں داخلے پر پابندی بھی لگ سکتی ہے۔
حجاج کے لیے ضروری ہدایات
حکومتِ سعودی عرب کا کہنا ہے کہ اس اقدام کا مقصد حجاج کرام کو یکسوئی کے ساتھ عبادت کا موقع فراہم کرنا اور رش کے دوران فوٹو گرافی کی وجہ سے پیدا ہونے والے رکاوٹوں کو ختم کرنا ہے۔ حجاج کرام کو ہدایت کی گئی ہے کہ وہ اپنے موبائل فونز کا استعمال صرف ضرورت کے وقت کریں اور کیمرے کے استعمال سے مکمل گریز کریں۔
وہ تمام پاکستانی شہری جن کے دوست احباب یا رشتہ دار اس سال حج کی سعادت حاصل کرنے جا رہے ہیں، انہیں چاہیے کہ وہ اپنے پیاروں کو ان نئے قوانین سے فوری آگاہ کریں تاکہ وہ کسی بھی ناخوشگوار صورتحال اور مالی نقصان سے بچ سکیں۔
Comments
Post a Comment